20.11.2012- Enda berasai taun ka ambih.Enda bersemangat keja saritok.Ngantuk diak,Keja Empai ambih.Terpaksa belubah bekayuh ke perau.Orang udah atai ba Tebing,aku kemaya nie agik.Nyelai amat mimpi aku demalam,Mimpi ditembak orang ba kening,Pagi-pagi nganjung SMS agai mak aku Rose Jembu nanya ke nama kebuah mimpi bakanya.Nasib meh nya mimpi manah. Anti meli lumur ulih kena Lumur maya mimpi bakanya..hahaha..;)..YAAA...SAMBUNG KOL KOMPENI KAPAL..SUSAH GA BAHAGIAN MARKETING TAPI AKU SUKA CABARAN...MENCABAR DIRI AGAI UTAI ENDA KALA GAGA NYA LAH PENYAMAI DALAM IDUP...ENDA TERPIKIR AGAI UTAI LAIN..KEJA2...;)!

Nuan maioh macham ikan ka dipakai,mansa lubok nuan ka ngauk....enti mansa sungai nuan ka mansai...

Ti nyema pun kayu bisi indu manyi,bisi indu nyerungan..nadai kebuah ka nebang,ngesan...Ngiga pemedih,ngiga pemulih meh kitai asie...ukai nadai pun bukai ke nadai indu utai nginang,ngembuan..uji nya ke pansap,tebang bai pulai kena niri ke pun tiang...ukai ka ngajar,mina nesau ngambi sama bela belajar ke utai ke manah ngau anang ngaga dir

i timpang ketegal salah langkah lalu enda teperejuk ke tingkah ngasuh midang...dunya tok dunya injau..gaga meh utai manah ngambi orang ngenang...enda alah ining kitai wai menyadi utai orang,sigi manah aja dipeda mata baka kitai makai ngai enda nyeput ba pinggai orang walaupun bisi ungkup kediri empu nyata nyengenda ba depan mata..

Anti Nyema pengerindu tua nadai pengujung ia,aku minta nuan sulu ngelengka,ninggal ke aku..biar meh aku ngidup kediri baka ngelamatu..sekumbang tua bepangan,nadai kala bisi penyenang dalam ati aku..nuan datai mina mai penusah,nambah ke telih ke seruran empai kala padam ari genggam semengat aku..diato aku sedar tua mina bepangan ngemuni diri...udah terlajak perau nadai ulih kuing

agi,tua bela anyut mai pengelebu ati ke seruran beraie..sulu,anti nyema ati nuan bisi ensiban,mata nuan empelema maca sada ati aku ngelamatu,aku minta nuan sedar ke penyalah diri empu ..enda sengaja aku asie mutus ke tali semaya tua..aku minta ampun,minta nuan anang ngiga aku agi keling..aku udah nadai daya, ati aku enda ulih buka agi nyambung pengerindu tua ...ketegal orang ke ngempang nisi jalai pegerindu nuan lalu lelang midang ke bukai.nuan lalu limpang,alu enda ngelurus ke pejalai tua.. tua udah enda saum sekunsi sepinggai asi agik ketegal nuan udah bisi utai inang,dikayam mata...pulai aku asie,nyurut dirik aku sulu,matak kaki laban enggai saum sekunsi 3 ati..anti nyema aku bisi penyalah,aku minta ampun ari kaki sampai ke pala..aku anak mensia..seruran ngaga penyalah ke enda di sengaja

Sigi disadang pengerindu tua puntan tengah jalai..
Mina nganti nuan madah nelai..
Sigi dijangka pengerindu tua retai
aku digaga baka orang bukai.. 
Nuan pegi begiga ambai..

udah pengerindu aku beri
Kempang amai nuan alu mulai kediri..
Ninggal ke aku bejalai enda malik ke belakang agi...
dini jako semaya janji madah enda nipu mudi..
aku nyau baka kapal karam nganti diri ditenggelam ke ai..
senang amat nuan muai..
baka barang ditempaya ke bukai
udah nuan enggai,aku nyau diteju buai..
terima kasih ambai,nuan tetap aku kenang sampai parai..

.udah aku suba keran wai,nuan madah kediri enggai laban aku indu rumah panjai..nadai utai ke bisi,mina minta kasih bala menyadi..diato udah puntan semaya balang,nyamai udu nuan madah ka nikal baru..ukai aku enda nemu nama disagam ati nuan diak sulu laban malu kediri empu enda tebulih terisi ke ruang bilik diri

Nama utai ngasuh ati aku lantang?nama utai ngasuh ati aku senang..bepangan enggau nuan mina ngasuh janji semaya balang..begulai enggau nuan mina ngemuni diri,ngemasau ari laban ketegal nuan sulu mungkir janji..nyangka nya utai pinta,nyangka nya utai ke ka nuan sulu,pengerindu tua putus pia aja...cukup udah aku merinsa di tinggang pemula..cukup udah penyayau aku beri dibalas nuan enggau pemenchi...alai meh nuan ngejang kdiri..anang ngandal,anang nyangka aku ka pulai nikal..nadai mimpi aku nilat utai udah diludah ke tisi...Nadai mimpi aku ka ngambi nuan sulu ke udah nipu mudi..anang nyangka ati aku ulih buka laban nuan udah digelar aku tembawai lama...

Berserara tua nadai laya..ketegal bala nuan ngumbai aku indu merinsa,enda tau enggau jadi laban mai pengerugi..enda sekali aku nyangka ketegal penyeranta aku lalu dibuai ke tisi...enda sekali aku nyadang nuan sulu sanggup nipu mudi..ketegal jako tagang bala nuan,nuan lalu madah kediri end

a nyanggup jadi...nama penyadi aku sulu nyau dibuai baka padi ampa..uji suba nuan madah bakanya,madah kediri enda ulih niri ke rumah tangga ketegal bala nuan enda nyagi,udah aku ngebu kediri pegi...diato nama daya,idup aku ditanggung pemerinsa ketegal jako bula nadai nemu menuku..bisi maya ila tulah ngalih agai nuan empu,baru nuan nemu bakani rangkang ngacuk mata...

Mina Petara nemu ati aku..Mulut aku ketawa,tang ati merinsa belama..nibuh meh nuan sulu ke kelalu enggai meda,nempaya ke aku baka utai ngapa..bisi maya nuan sulu tulah pegila lusa,baru nuan enchelak ke mata..ngelala nie bagi intan enggau kaca...diak nuan nesal diri laban ngaga diri enda beguna..terima kasih aja meh sulu pemulai nuan sigi enda kala aku anti...nyangka udah maya nuan sulu bejalai ked

iri..enda ulih dipansal ati anti udah benchi nunda ke sempama,enda alah kempuk tanah seberai,enda alah tunduk orang ke enggai...Tang taja pia sulu,nesal sigi enda kala dudi...angka jako aku kelalu pama,enda ngipak ke mua nunda ko nuan sepengelama tua bekelala,aku minta ampun asie anti nyema leka jako aku bisi ngasuh nuan ensiban ati,enda nyamai ninga..sigi udah gaya kami indu kapit maya deka sebana,sigi enda kala ngelaba ke mata mua..kepenudi ari aku..selamat beserara wai sulu tajau keling menua...ngarap ke tua ila sama bepansa ba pintu surga.

Manchar mata ari pagi,ati aku nyau sinu ngenang..kati anti pegila lusa lesi bebadi ke menua sebayan..nama bisi kini orang ngenang taja diri ukai menyana baka orang..suah diperati bala niang ke ngejang ninggal ke menua ke seruran ngasuh enda lantang..nadai siko ka bekenang tudah tuai ke lesi ninggal ke budi sampai saritok enda tebalas 

ke utang niang...anti nyema pegila lusa kitai sama baka tudah tuainya,nama bekani asai kitak nadai orang bekenang..tang tulah angka enda kala dulu nyengkang..nesal dudi nadai reti nyangka seput enda alah tepadah ke nyawa ke lepa rindang ketegal pemansang..penyamai di dunya enda ulih dibai nuju ke menua sebayan laban semua penatai ia ari Tuhan magang.

Begau nitihka terantang,Rayah nitihka gendang..ingkat nemu nyapat lubang kilat..tang enda nemu mampul lubang guntur.Bengkang nemy nensang lubang nyang.tang enda nemu mampul lubang lambur.

Pengerindu besegi tiga..

....Enda sanggup mandi ai di uan bunsu baya ........
........enda kempang nebang tapang di uan rembia......
sayau amat sayau sulu tang aku..
enda berani nyelam sungai di uan raja gumba........
uKAi aku enda sayau aku ke nuan...

bujang mereti kelinga ati.....
.........tang aku enda sanggup....
diau ba darung sebayan tu.
........baka pendiau bunsu bubut......

Semadi ngerembai baka bungai..semadi nerebai kedirik baka kesulai..inggap dini-dini alai....

Enggau Sepenuh ati aku nyurut kedirik ba ati nuan sulu ku kerindu..enggau pengabis ati aku nusun sepuluh jari..ngagai nuan ambai ti kesayau aku...

Bisi Kebuah Nyawa aku enggai makai..laban aku keji nyuap asi saum pinggai...
Biar aku mati meragan aku enda ngenggai..
Bisi kebuah baju aku alu enda rangkai,laban aku malu nyembi gari saum pengeredai.
Balut tubuh enggau gare utai....

Selamat atai agai Blog aku Micsiana Merundi.Semua cerita ari Semina Tinggal Kenang 1&2 serta ari Kumang Keling Sarawak bisi didalam blog aku tok.Ari Cerita Pengerindu ngena leka jako dalam serta adat asal iban bisi ba blog tok...Terima kasih agai ke maca!